21. Qurayshi waxay xoojisay
talaabooyinkii ciqaabta ahaa,waxay qalinka ku duugtay cunaqabatayn ka dhana
reer banii haashim oo ahaa qabiilkii rasuulka,waxana laga cunaqabateeyay
dhinacyada nolosha oo dhan,ganacsiga ,guurka,iyo la dhaqanka ,waxana Abii daalib
habeenkii furaashka u bedeli jiray rasuulka si aan gaadmo loogu dilin,waxana
rasuulka iyo qabiilkiisa soo foodsaartay xaalad adag oo cabsi iyo nolol xumo
isugu jirtay.
22. waxa rasuulka kusii
kordhay colaadii quraysh, waxana loo furay labadiisii hablood, Ruqiya iyo umu
Kalsuum,waxayna u kala dhaxeen Cutba iyo Cutayba oo ahaa ilma abii lahab,waxana
arintaasi ahayd mid ka mida cadaadisyadii rasuulka lagu carqaladeeyay
dacwadiisa .
23. Qurayshi waxay dhibtii
rasuulka u wareejisay xaga Jaarka, iyagoo adeegsanaya xaaskii abii lahab Umu
Jamiil ee hablahiisana Sodoh-da u ahayd,waxana Umu Jamiil ka buuxisay qolqolkii
iyo dariiqii rasuulka qashin, iyadoo markay aragtana rasuulka la beegsata cay
iyo af-lagaado xun ,waxana arintaasi ahayd dhib rasuulka la noqotay deris iyo
jaar.
24. Qurayshi markay is
hortaagtay dacwadii rasuulka waxa uu go’aansaday Daa’if inuu gaadhsiiyo nuurka
islaamka,waxana deganaa qabiilka Saqiif oo ay gadhwadeen ka ahaayeen
Cabdi-yaalayl,Mascuud iyo Xabiib, waxana cabdiyaalayl ku yidhi rasuulka “hadii
ilaahay kusoo diray waxaaban jeexjeexi maryaha kacbada isagoo isla wayn,halka
Mascuudna uu ku yidhi rasuulka “ ilaahay ma waxa uu waayay cidaan adiga ahayn,
ugu danybana waxa hadlay Xabiib oo yidhi “ walaahi jawaab kuma siinayo
,hadii aad tahay Nebi ,hadaad ilaahay ku been abuuranaysana maba haboona inaan
kula hadlo” waxana rasuulka shiid iyo dhagaء kala daalay dadkii magaalada, waxana dhagaxa isaga dhigayay Sayid, iyadoo dhiigii rasuulka ka daatay cagiisah
qooyay,waxayna ahayd maalin ku adag rasuulka nabad iyo naxariisi korkiisa ha
ahaatee.
25.Markii Saxaabada qaar
hirjro ugu baxeen dhulkii Xabashida, waxa Qurayshi diyaarisay rag ka daba taga soona celiya Saxaabada, si loogu ciqaabo Maka,
waxana arintaasi cadaadis ku keentay dacwadii
rasuulka gudo iyo debed.
