Somaliya waa qoomiyad leh
dhul,luuqad, dhaqan iyo midab u gaara , wax carab si gaara ugu xidhayaa ma
jiraan,diintuna waxay ka dhaxaysaa dhamaan Muslimiinta .
Lama hayo abtirsiimo saxa oo
tilmaamaysa halka soomalidu kasoo jeedo dhab ahaan, waxana muran dhaliya cida
dhabta ah ee somaalidu kasoo jeedo, balse murankaasi maaha mid macne wayn u
samaynaya ummada somaaliyeed.
Waxa caalamka jira qoomiyadu
tiro badan oo sidooda u taagan, sida qoomiyada
Turkiga ,Faarisiga,Kuurdiga , waxana haboon sida qoomiyadahaas in somalidu si
madax banaan isu-taagto.
Waxa ugu wayn ee dad
qoomiyad ku wada noqdaan luuqada, hadaba luuqada Carabiga iyo luuqada Somaaligu
aad ayay u kala fogyihiin dhawaaq ahaan, eray ahaan iyo suugaan ahaanba ,
waxana la tilmaamay luuqada soomaligu inay tahay luuqad fac-wayn taariikh
ahaan.
Madaxbanaanida qoomiyada
soomaliyeed, ma horseedayso nacayb iyo colaad loo qaado carabta , mana dhiiri
gelinayso, kala fogaansho iyo kala durug, balse waxay dhiiri gelinaysaa,
xidhiidh siman oo ay wadaagaan labada qoomiyadood.
Waa dhab inay wadaagaan
qoomiyada somaliyeed iyo qoomiyada carbeed Diin iyo Dano, balse taasi kama
dhigayso kuwo isku qasban mar walba inay dhan u wada jeestaan,waxa jiri kara
qoomiyado kale oo lala wadaagi karo Diinta iyo Maslaxada, sida qoomiyadaha aan
kor ku xusnay.
Somaliya wax badan ayay ku
wayday markay qoomiyada carbeed ku biirtay, waxana arintaasi dhiiri gelisay
cadaawad kaga timi qoomiyadaha Afrika ,Aasiya,Amerika ,waxana colaad loogu
qaaday qadiyadaha qoomiyada carbeed khuseeya ee aan diinta iyo caqiidada ku
dhisnayn,sida biyaha Niilka iyo muranada dhuleed ee u dhexeeya carabta iyo Eeraan.
Sidoo kale ku biiristii
carabtu waxay Somaliya seejisay taabo gelinta qoomiyadeeda madaxa banaan,waxayna
ku keliyaysatay difaaca qadiyado aan khusayn oo carabta u gaar ahaa.
Lacagta sucuudigu ugu deeqay
Lubnaan halsano oo keliya, ayaa ka badan lacagta carab oo dhami ugu deeqday
somaliya intay jirtay , waxana sucuudigu ugu deeqay sanadkii lasoo dhaafay ee
2014 lacag dhan 1 billion oo doolar .
Tusaalaha lubnaan waxa uu
marag u yahay halka somaliya ay ka taagantahay carabnimada, waxana la gaadhay
xiligii laga bixi lahaa Qoomiyada Carbeed iyadaan xisaab dheer lagusiii daalin
.
